أكلات بتقلل الاحساس بالجوع

 أكلات بتقلل الاحساس بالجوع .. لازم يكونوا موجودين في يومك اثناء الدايت :

بقلم داليا فؤاد 

الوجبات الغنية بالبروتين بتعطي احساس بالشبع لوقت أطول لأن البروتين بياخد وقت في هضمه..

وجود الألياف في الوجبة بيسبب امتلاء المعدة لفترة طويلة وبالتالي يعطيك احساس بالشبع لوقت أطول..

يبقى نحافظ على طبق السلطة مع كل وجبة  أو على الأقل يكون في صنف خضار في يومك. 

النشويات المعقدة أو النشويات المفيده كمان بتاخد وقت في هضمها علشان كده بتدي إحساس بالشبع لفترة أطول..

أمثلة للوجبات:

1-وجبة الفول مع العيش البلدي أو الأسمر: 

هي وجبة غنية بالنشويات المفيده والبروتين والألياف.

2-الجبنة القريش بزيت الزيتون مع العيش الأسمر:

هي وجبة غنية بالبروتينات والنشويات المفيده والدهون النافعة.

3-بيض مع بطاطس مهروسة :

وجبة غنية بالبروتين والنشويات المفيدة والدهون.

5-لبن مع بليلة مع عسل وفاكهة:

وجبة غنية بالنشويات المفيدة والبروتين والألياف.

6-زبادي بالشوفان مع عسل وفاكهة:

وجبة غنية بالنشويات المفيدة والبروتين والألياف